මේ වෙබ් අඩවිය ගැන යමක්….
බුද්දෝත්පාද ආර්‍යන්වහන්සේ කව්ද ?
අභිඥාලාභීන් නොමැති වීම නිසා “ලෝකයේ පරමාර්ථ සත්‍ය” කාලයේ වැලි තලාවට වැසී ගොස් තිබිනි.
ශ්‍රීලංකාවේ ආරන්‍යවාසීව, අවුරුදු 3ක පමන කාලයක සිට අභිඥා ඥානයෙන් ලොවට සත්‍ය දර්මය හෙළිකරන ආර්‍යන් වහන්සේ නමක් වැඩ සිටින බව ඔබ දන්නවාද?
ඒ ආර්‍යන් වහන්සේ අවුරුදු 30ක් පමන විවිධ භාවනා ක්‍රම අනුගමනය කරමින් ඒ හරහා සිතින් මිදීම (නිවන) අවබෝධ කර ගැනීමට වෙර දැරීය.
භාවනාව හරහා ලබාගත හැකි සියලු ධ්‍යාන ලබා ගැනීමෙන් පසුත් එය නිවන නොවන බව දැන බුදුරජාණන් වහන්සේ පස්වග මහනුන් අතහැර ගියාසේ භාවනාව අතහැර ත්‍රිපිටකය හරහා නිවරදි බුද්ධ දර්ශනය සෙවීමට පෙලබින.
අපේ භාග්‍යකට ඒ නිවීම ප්‍රත්‍යක්ෂ ලෙස අවබෝධ කර ගැනීමෙන් පසු
නිවනට නිවැරදිම මාර්ගය (සත්‍ය ඤාණය, කෘත්‍ය ඤාණය, කෘතක් ඤාණය) ප්‍රත්‍යක්ෂ ඥානයෙන් ලොවට දායාද කරමින් සිටී.
ඒ උතුම් ආර්‍යන්වහන්සේ යූටියුබ්, ෆේස් බුක්, සූම් (Zoom) තාක්ෂණය ඔස්සේ ලොවට දායාද කල
“බුද්ධෝත්පාද දේශනා මාලාව”
ලෝකයට පරිත්‍යාග කරන්න මේ වෙබ් අඩවියේ පරමාර්ථයයි.
ඔබ දැනගත යුතු ප්‍රධාන කරුණු කිහිපයක්
* අපි මනුෂ්‍ය ආත්මයක් ලබා ඉපදුනේ ඇයි ?
* අලුත ඉපදුන බිලිඳු දරුවාට පලමු සිත පහලවන්නේ කොහොමද ?
* සිත කියන්නේ නාම රූප ගැටගසා ගැනීමක් විතරයි.
* සිතුවිලි සත්‍යක් ද?
* පෙනෙන ලෝකය සත්‍යක්ද?
* සිත තුල මැවෙන ලෝකය.
* ලෝකයේ පරමාර්ථ සත්‍ය කුමක්ද?
* භාවනාව කිරීමෙන් පරමසත්‍ය වටහා ගත හැකිද?
* පරමාර්ථ සත්‍ය වටහා ගැනීමට කල යුත්තේ කුමක්ද?
* ඔබට මේ වෙබ් අඩවිය හරහා ලෝකයේ පරම සත්‍ය වටහා ගත් ආර්‍යන් වහන්සේ කෙනෙකුගේ දේශනා සවන් දිය හැකියි.
* ඔබටයි මේ ආරාධනා ……
මෙයට ජාති භේද , කුල බේද, ආගම් බේද නැත. ලොවකාටත් පොදු ධර්ම තාවය ලොවට දායාද කරයි.
ඔබ සිතන්නේ කනට ඇසෙනවා කියල නමුත් ඇසීම දැනෙන්නේ සිතටයි.
ඔබ දිවට රස දැනෙනවා කියල හිතුවට රස දැනෙන්නේ සිතටයි.
ඇසට පේනවා කියල හිතුවට පේන්නෙ සිතටයි.
සියලුම දැනීම් සිතටයි.
අපි වතුර බොන්න හිතුවට ඇත්තටම සිතට වතුර බොන්න බෑ.
අපි බාහිර ලෝකයක් තියනවා කියල හිතුවට අපි ඉන්නෙ මවාගත් ලෝකයක.
ලෝකය මවා ගන්නේ අපේ ආයතන ( ඇස කන නාසය , දිව, ශරීරය) හරහායි.
මවා ගන්නා ලෝකය ඒ ඒ අයට සාපේක්ෂකයි.
මේ අපි නොදකින වින්ඥාන මායාවයි.
ආර්‍යන් වහන්සේ දේශනා කරන්නේ ඉහත දැක්වූ පරිදි ඔබේම සිත සකස්වන ආකාරයයි.
ඔබටම එය ප්‍රත්‍යක්ෂව දැන ගැනීමේ මගයි.
“………චිත්තේන
නීයතී ලෝකෝ….,”
“….. සලායතන ලෝකෝ ලෝකෝ ….”
ඒ බුද්ධ වචනයි…
සිත තුල, ආයතන හරහා මැවෙන ලෝකය ආර්‍යන් වහන්සේ මනාව පැහැදිලි කරයි.
සිතට මවා ගන්නා ලෝකය හැර ඔබට කිසිදා බාහිර ලෝකයක් දැකිය නොහැකි බව මනාව පහදා දෙයි.
ඔබත් මේ සත්‍ය දර්මය හොඳින් අධ්‍යයනය කර බලන්න. බුද්ධ දර්ශනය නිවැරදිව වටහා ගන්න.
මෙය අවබෝධකල යුතු දර්මයක් විනා ඇදහිය යුතු ආගමක් නොවේ.
මෙයට සමථ භාවනා අවශ්‍ය නැත. එහෙත් සමථ භාවනා උපකාරී විය හැක.
බුද්ධ දර්ශනය නොදැන කරන භාවනා පල රහිතය.
භාවනාව නිවනට මග නොවේ.
මේ ආර්‍යන් වහන්සේ දේශනා කරන සත්‍ය දර්ශනය සුවිශුද්ධ ලෙස දැන එය සිහියට අවදිවීම තුල ඔබට නිවන් මගට පිවිසිය හැක.
දර්ශනය ඤාණය සිහියට හසුවීම මගින් ඔබ තුළම සිදුවන දැවැන්ත අධ්‍යාත්මික පරිවර්තනයක් ඔබට ප්‍රත්‍යක්ෂව අත්විඳිය හැක.
අවිද්‍යාව යනු සත්‍ය නොදැනීමයි. අවිද්‍යාව ඇති තාක් ඔබට දුක උරුමයි.
දැන් දුකින් මිදෙන්නට කාලයයි.
ඒ මහා සිංහනාදය ලොවක් සනසමින් ගෞතම බුද්ධ ශාසනය වසර 2500 කට පසු නැවත පිබිදීම සනිටුහන් කරයි.
ඔබත් මේ ධර්ම මංඩපයට පිවිස බලන්න.
සැමට තෙරුවන් සරනයි !!!
2023 ජුලි 28.
